মানৱতাৰ প্ৰহৰী

কবি

সংস্কৃতিৰ ধ্বজাবাহক

মানৱতাৰ প্ৰহৰী

বাস্তৱৰ কঠিনতাত

বালিত সোণ বুটলি

সপোনপুৰীৰ সন্ধান দিয়া

এক ভৱিষ্যত দ্রষ্টা

নিৰৱ স্ৰষ্টা ।

কবিৰ চাকত

সৃষ্ট কাব্য

জ্ঞানপিপাসুৰ

কল্পবৃক্ষ

হৃদয়ৰ পৰা হৃদয়লৈ

অমৃত সঞ্চালিত কৰা

এক অদৃশ্য সাঁকো ।

কবি -

মনৰ এলান্ধু আঁতৰাই

জ্ঞানানন্দৰ ৰস ছটিওৱা

জ্ঞান অন্বেষী পূজাৰী

বিন্দুতে সিন্ধু দেখা

প্রেম -কৰুণা পূর্বচৰ্তৰে মণ্ডিত

এক অনুভৱী সত্ত্বা ।

কবিতাই সন্ধান দিয়ে

কলিয়াৰ সিপাৰৰ জ্যোতিষ্কৰ

দর্শনৰ আশিসেৰে বৰষে

অমোঘ মন্ত্রপুত বৰষুণ

অশান্তিৰ অনল নির্বাপণৰ

কঢ়িয়াই চিৰ বাঞ্চিত

আৱেগ মধুৰ মানৱতা ।

মনোজ কুমাৰ শৰ্মা

অভিযন্তা

নগাঁও, অসম

দূৰভাষ নম্বৰ - ৯৪৩৫১৬০৫৩২