আশাৰ জোনাকত নতুন শব্দ

ভাঙি যোৱা বাক্যৰ মাজত

নতুন অৰ্থ জন্ম লয়

আলোকিত হয় নতুন প্ৰভাত।

প্ৰতিটো প্ৰভাত নতুন প্ৰতিশ্ৰুতি

প্ৰতিটো নিশা নতুন শিকনি

সময়ৰ সোঁতত আগবাঢ়ে

জীৱনৰ নতুন কাহিনী ।

ভঙ্গ হৃদয়ত

আশা-নিৰাশাৰ মাজত

উলমি আছে

জন্মৰ লগত মৃত্যুৰ নিবিড় সম্পৰ্ক ।

সময়ৰ ডায়েৰীত

সৰু সৰু শব্দবোৰে

পোৱা -নোপোৱাৰ বেদনা ঢাকি

নতুন সপোনে আঁকে ।

পৃথিৱীৰ পৰা আকাশলৈ

সৌৰজগতৰ গ্ৰহ উপগ্ৰহ লৈ

বিশ্বব্ৰহ্মাণ্ডৰ প্ৰতিটো ক্ষণত

নবীনৰ জয়যাত্ৰা।

বৰদৈচিলা উভতি গ'ল

আকাশখন ফৰকাল হ'ল

হাঁহি-শান্তিৰ উপহাৰ লৈ,

মানুহে মানুহৰ বাবে

আশাৰ জোনাকত নতুন শব্দ ।

জ্যোতিকা বৰা

কামপুৰ, নগাঁও।

মো:নং ৭৬৩৮০১১৫৮৩

Recent Posts

See All

সহজ কথা

বিষয় বস্তুত কিবা আবেগ থাকিব পাৰেনে পদাৰ্থৰ গতিৰ কোনোবা পৰ্যায়ত নিয়ত ভাবে গঢ়ি উঠে যি প্ৰাণ জটিলতৰ ভাবে অসাম্যতাত দুলি ৰোৱা ক্ৰিয়া প্ৰতিক্ৰিয়াৰ ত্বৰণৰ মাজত থাকেনে অনুভূতি ? বিভেদহীন অৰ্নিদিষ্ট সংখ্যাৰ ধ

সাঁৰথি

জীৱনৰ বৃদ্ধাৱস্থা অলস -সংগীবিহীন এক নিসংগ অৱস্থা যেতিয়া খোজ দিয়াৰ সাহসকনো হেৰাই যায় আপোনজনেই যেতিয়া কাষৰ পৰা নোহোৱা হয় তেতিয়া সেই ব্যক্তিজনৰ বাবে একমাত্ৰ ভৰষা হাতৰ লাখুটি ডাল যাৰ ভৰত জীৱনৰ শেষ অ

অপৰিমেয় সময়

অবিন্যস্ত বন্ধ কোঠাত, শব্দবোৰে পোখা মেলাৰ তাড়নাত নুবুজা ভাৱনাবোৰে সংগোপনে ঠিকনা বিচাৰে। ৰূপকথাৰ সুঁতিয়েদি উজাই আহে কবিতাৰ অলেখ আবেদন। প্ৰত্যয়েৰে সাজিম কবিতাৰ একোটা নিগাজী ঘৰ। জীৱনটো পিছে ইমান সহজো

Comments