লুইতৰ সুৰীয়া সুবাস

 (শিল্পী দিৱস উপলক্ষে) 

সেয়া এক কালজয়ী যাত্ৰা,

যি যাত্ৰাত তুমি দিলা পোহৰৰ বৰ্ণমালা।

লুইতৰ পাৰত বহি তুমি আঁকিছিলা

এটি জাতিৰ সপোনৰ ৰামধেনু,

য'ত সাতুৰি-নাদুৰি জিলিকি উঠিছিল

আই অসমীৰ তেজস্বী মুখখনি।

তুমি দিলা সুৰৰ মূৰ্চ্ছনা,

ভাষাৰ অলংকাৰ আৰু কৃষ্টিৰ দাপোণ।

অন্ধকাৰৰ বুকুত তুমি সিঁচিলা

জ্যোতিৰ জ্যোতিষ্মান অক্ষয় বীজ,

যাৰ সুবাসত আজিও জিপাল হয়—

আমাৰ সমাজ, আমাৰ কৃষ্টি, আমাৰ মন।

অ' তিনিও কালৰ,কালজয়ী শিল্পী,

তোমাৰ লেখনীৰ প্ৰতিটো শব্দত

আজিও জাগি উঠে বিপ্লৱী সত্তা।

তোমাৰ সুৰত ধ্বনিত হয়

একতা আৰু মানৱতাৰ গান।

তুমি কেৱল এজন ব্যক্তি নাছিলা,

তুমি আছিলা এটা যুগ—

এটি জাতিৰ পুনৰুত্থানৰ নীৰৱ সাক্ষী।

আজি এই পবিত্ৰ শিল্পী দিৱসত,

তোমাৰ স্মৃতিত শ্ৰদ্ধাৰে কৰোঁ নতশিৰ।

তোমাৰ সৃষ্টিৰ সুবাসেৰে

যুগে যুগে জীয়াই থাকক

আমাৰ চেনেহী অসমীৰ আকাশ-বতাহ

প্ৰণাম জনালোঁ তোমাক, হে ৰূপকোঁৱৰ ।

নিপু কুমাৰ দাস

কাজিপাৰা,নলবাৰী 

মো:নং:    ৭০০২৩২৭৮০৫