জীৱন জীৱন নহয় কিয়?

এতিয়া জীৱন বুলিনো কি আছে

কেৱল খাই বৈ জীয়াই থাকিলে কি জীৱন?

এতিয়া ইয়াত প্ৰতিটো পুৱাতেই আৰাম্ভ হয়

বিষয় সুখৰ দৌৰ ,

তথাপিচোন শূন্যতাই লগ এৰা নাই মানুহক!

মন্দিৰ মছজিদ সকলোতে মানুহৰ ভিৰ ,

অথচ ৰসাল নহয় কিয়

মানুহৰ এই নীৰস জীৱন ?

এতিয়া ধোঁৱা -ছাই গুলিৰ পৃথিৱীত

কাৰণ সতেনো কথা পাতো

এক বিশ্বাস ভৰা মনেৰে ,

ক'ত বাৰু বিচাৰি পাম

জীৱনৰ শইচ সেউজ বাট ?

যি বাটেৰে গৈ থাকিলে বিচাৰি পাম

মানুহৰ মৰম ভালপোৱা

আৰু

বিশ্বাসৰ ওমাল খবৰ ,

যি খবৰে জীপাল কৰি তুলিব হৃদয় মনক ,

জীৱন কৰি তুলিব শাওনৰ গাভৰু পথাৰ দৰেই ছন্দময় আৰু সতেজ ।

ডাঃ ঋষেশ্বৰ ঠেঙাল শইকীয়া

নগাঁও, অসম

দূৰভাষ নং ৮৮৭৬৬ ৮২৪৮০