মানৱতা

চৌদিশে মানুহৰ সুত বৈছে

অৰ্থৰ অভাবে চোৱা নাই কাকো৷

সাধ্যানুসৰি মন খুলি

দিছে সকলোৱে

উজনিক বচাবলৈ

উজনি আমাৰ ইতিহাস

জয়মতী আমাৰ সাহস

ৰংঘৰ কাৰেঙ ঘৰ

জয়দৌল শিৱদৌল

অসমৰ পৰিচয়

অমানুহৰ মাজত বহু মানুহ এতিয়াও আছে ।

উজনিৰ বানে পৰিচয় দিলে

ইয়াত জাতপাতৰ চিন নাই

আছে মাত্ৰ মানৱতা

ভূপেনদায়ে কোৱাৰ দৰে

মানুহে মানুহৰ বাবে

মানৱ সেৱা শ্ৰেষ্ঠ ধৰ্ম সকলোৱে বুজিছে ৷

গড়ালৰ হাঁহকুকুৰা

গোহালিৰ গৰুছাগলীবোৰে ৰিঙিয়াইছে নিজৰ ভাষাত

নিজৰ জীৱনক তুচ্ছজ্ঞান কৰি

সাহসী কেইজনে বহু জনক বচালে

কোনোবাই পিতৃমাতৃ হেৰুৱালে

কোনোবাই পুত্ৰৰ শোকত চকুলো টুকিছে৷

চিৰদিনৰ বাবে কাৰোবাৰ শিৰৰ সেন্দূৰ মচা গ’ল৷

তথাপিও শান্ত হোৱা নাই বান

পানীয়েই মানুহৰ প্ৰাণ

পানীতে দিলে জীৱন দান

সকলো মৃতকৰ আত্মাৰ সদগতি কামনা কৰিলোঁ৷

পবিত্ৰী ভৰালী(মণি)

নগাঁও (ধিং)

দূৰভাষ নং ৬০০৩৪৯৫৩৬৬