সহজ কথা

বিষয় বস্তুত কিবা আবেগ থাকিব পাৰেনে

পদাৰ্থৰ গতিৰ কোনোবা পৰ্যায়ত

নিয়ত ভাবে গঢ়ি উঠে যি প্ৰাণ

জটিলতৰ ভাবে অসাম্যতাত দুলি ৰোৱা

ক্ৰিয়া প্ৰতিক্ৰিয়াৰ ত্বৰণৰ

মাজত থাকেনে অনুভূতি ?

বিভেদহীন অৰ্নিদিষ্ট সংখ্যাৰ ধ্ৰুৱক ধৰি

ঠাৱৰ কৰিব পাৰিনে জীৱনৰ প্ৰশ্নোত্তৰ

পদাৰ্থৰ গতি অথবা জড়তা একাকাৰ হৈ

ফেনাই উঠে নিশাহ উশাহ  ।

যি প্ৰশ্নৰ উত্তৰ বিচৰা যায়

সি কেৱল শূণ্যৰ দৰে উপঙি থাকে

বাহ্যিক আৰু অন্তৰ্লীন শক্তিৰ ছন্দত

পদাৰ্থই প্ৰাণ পায় বিকাশৰ বাবে ।

কথাবোৰ সহজ কৰি একো লাভ নাই

জটিল কৰিলেও কোনো কথা অবোধ্য নহয়

অদূৰত পৰি থাকে পদাৰ্থৰ ধাৰণা

স্তব্ধ অসহ্যত জৰ্জৰিত জীৱই

শৰীৰত মুখ গুজে জীৱন বিচাৰি ।

বিষয় বস্তুৰ ৰ্নিদিষ্ট পদ্ধতি থাকেনে

পদাৰ্থৰ বিকাশৰ দৰে নিশ্চয়তাত

নিহিত হয়নে প্ৰাণ

পদাৰ্থৰ ৰূদ্ধ বিকাশতো

থাকিব পাৰে জীৱনৰ অনুভূতি ।

ড° প্ৰতাপজ্যোতি সন্দিকৈ

গুৱাহাটী, অসম ।

দূৰভাষ নং ৯৪৩৫০১২৯২০