তোমাৰ বাবেই

মা—

মোৰ জন্মতেই

তোমাৰ নামৰ আগত

এটা নতুন মৰ্যাদা জ্বলিল— মা।

মই তোমাৰ আঁচলৰ ধন,

তুমি মোৰ সকলো জগত।

মোৰ এটি অবুজ হাঁহিত

তোমাৰ ক্লান্ত মুখখনি

চন্দ্ৰোজ্জ্বল হৈ উঠে—

সেই হাঁহিতেই তুমি জীয়াই থাকাঁ।

দেউতা—

নিৰ্বাক ত্যাগৰ নাম,

ঘৰখনৰ আশাৰ বন্তিত

জ্বলি থকা দীপশিখা।

মই কেৱল সন্তান নহয়—

তোমালোকৰ সপোনৰ

 সৰ্বোচ্চ প্ৰতিধ্বনি।

মই ধন্য,

মানুহ হ’বলৈ

তোমালোকৰ হাত ধৰি শিকিছোঁ।

মনোজ কুমাৰ শৰ্মা

নগাঁও, অসম।

মো: নং.  ৯৪৩৫১৬০৫৩২