তোমাৰ অনুভৱত মই

দিক-বিদিক হেৰুওৱাৰ যন্ত্ৰণাত

এবুকু বেদনাই জহিছে,

নিৰাপত্তাহীনতাত ভুগিছোঁ

আউল লগা সময়বোৰে

আঁত বিচাৰি বাটকুৰি বাইছে

পথ-উপপথৰ প্ৰতি কোণত

দূৰণিত থাকিলেও

প্ৰতি ক্ষণত তুমি অনুভৱৰ দলিচাত

মোৰ অনুভৱত মাথোঁ তুমি

আবেলিৰ পৰত বতাহৰ গতিত 

নিভাঁজ প্ৰেমৰ মতলীয়া সুৰ এটি 

কাণত বাজি উঠে

ফাগুনৰ পছোৱাজাকে 

মৰমবোৰ উৰুৱাই আনিব

শিমলু-পলাশে প্ৰাণ উজাৰি যাচিব

'তোমাৰ অনুভৱত মাথোঁ মই'

তুমি কোৱা বাক্যশাৰীয়ে 

অনুভৱ কৰাই তোমাৰ মৰমৰ সত্তাক।

ৰশ্মি ৰেখা দুৱৰা

ডিব্ৰুগড়, অসম ।

দূৰভাষ নং :৬০০০৬৮২১৮৩