কবিতা হৃদয়ৰ

ছবিখনে প্ৰায়ে আমনি কৰে

ছবিখনৰ ঘন ঘন উশাহ বোৰে

বাঁহীৰ এটি কৰুণ সুৰ তোলে

কোন শিল্পীৰ তুলিকাত

মোৰ প্ৰাণৰ এই নিসংগ সৃষ্টি।

মোৰ হৃদয়ৰ গোপনখিনি

মোৰ মইটোৰ লগতে

মনৰ আৱেগবোৰ ঢালি দিওঁ

মই টোপনি যাও মোৰ লগতেই

কিমান যন্ত্ৰণা কাতৰ

তুমি কি বুজিবা,শিল্পী

মোৰ হৃদয়ৰ আহ্বান।

মই আশা কৰিছিলোঁ উতলা ফাগুনৰ

নিৰিবিলি আবেলি আকুল কণ্ঠে ক'ব

তুমি বনৰলতা আৰু মোতেই বগোৱা

মই বিচাৰিছিলোঁ মোৰ যৌৱনৰ

প্ৰথমটো বসন্ততেই বৰষুণৰ আলিংগন

জঁই পৰি যোৱা লাজূকীলতাৰ দৰে সংবেদন

সংগোপনে সাঁচি থৈছোঁ আজিও,

আগবঢ়াই দিওঁ দুহাত দিনৰ পিছত দিন

মোৰ প্ৰেমৰ অপেক্ষাত।

শৰৎ চন্দ্ৰ গোস্বামী

কামপুৰ, নগাঁও।

দূৰভাষ নং ৯৯৫৪৮ ০৫৩৯০