ভিৰ

আছে বহুত গীতিকাৰ, কবি ইয়াত ,

আহিছে দেখি অভিভূত সকলোকে;

আনিছে গীত-কবিতা পেৰা ভৰাই, 

পাব কিছু দামত..আন যে বিনামূল্যে... 

নালাগে মোক, নুশুনো এনেবোৰ,

 আধা..অংশ  কিম্বা পুৰাকৈ ..নালাগে একোকে;

নিজেই পুৰণিত হয় যে মচগুল,

ভিৰত হৈছে সেয়ে এনে গণ্ডগোল।

থাকিলেও খবৰ যোগাত্মক এনে বহুতো ,

নাপায় সময় মোবাইলৰ প্ৰজাই জানিবলৈ..

বন্ধ মগজুৰ তলা..খোলা নহয় যে সহজ বৰ;

নিবিচাৰে নিজেও চাবি, 

নহয় যে ইচ্ছুক সপোন ভগাৰ।

ভাল কথা আছে বহুতো বেয়াৰ মাজত,

নাজানে নুবুজে কোনেও নিজা কাৰনত;

ধূলিৰে ভৰপূৰ ছবি  দেখি সকলোতে,

স্বাস্থ্যকৰ পৰিৱেশ যদিওবা আছে;

গণিত হয় যে সেইয়া বৰ্জিত বুলি.. 

সময়ৰ প্ৰভাৱত সকলোঁ হয় পৰিষ্কাৰ।

আছে গীত গীতিকাৰ বহুত, 

পেৰা ভৰ্তি নতুবা খালী কলম;

নাই মহী কিম্বা বোৱতী নদী..

দাম নাই হয়তো চৰা দাম,

লিখনী আছে নতুবা পৃষ্ঠা খালী-

লাভ নাই কৈ.. নুবুজে কোনেও.. 

প্ৰবৰ্তিত ৰীতি শ্ৰৱণহীনতাৰ পিছে আজিকালি

শোণিত বৰঠাকুৰ,

বৈদ্যটুপ,নগাওঁ(অসম),

দূৰভাষ -৭০০২২৪০৬০